Traballo Fin de Master

Nesta materia o estudantado, de modo individual, baixo a dirección do/a titor/a que se lle asignará, deberá elaborar, presentar e defender un traballo de investigación inédito ou orixinal, relativo a algún dos temas sobre os que versa o mestrado.

Esta actividade inclúe, fundamentalmente, a recompilación, descrición e análise de fontes e bibliografía; a realización de titorías co titor/a académico; a realización do Traballo de Fin de Mestrado e a presentación e defensa do mesmo.

Para a avaliación do Traballo Fin de Mestrado, o estudantado deberá entregar á persoa coordinadora desta materia (Profª. Dra. Teresa Estévez Abeleira) tres copias do Traballo debidamente encadernadas, así como enviarlle o documento en formato pdf, con polo menos dez días de antelación á data fixada para a exposición e defensa dos Traballos.

O Traballo deberá presentarse co visto e prace do/a titor/a e asinado por este/a.

O Tribunal avaliador dos Traballos Fin de Mestrado, que estará integrado por tres profesores/as do mestrado, avaliará os traballos de acordo cos seguintes criterios:

• Informe do titor/a: ata 2 puntos
• Calidade do contido: Ata 5 puntos
  • Metodoloxía: máx. 2 puntos
  • Calidade da redacción: máx. 1 punto
  • Conclusións: máx. 2 puntos
• Exposición: Ata 3 puntos
  • Claridade expositiva: máx. 2 puntos
  • Capacidade de debate e defensa argumental: máx. 1 punto

Aos efectos da ponderación do apartado 1 o titor/a deberá emitir unha puntuación numérica sobre base 10.

Superar a materia Traballo Fin de Mestrado permitirá ao estudantado acadar as competencias básicas, xerais, específicas e transversais relacionadas na súa guía docente.

Regulamento do TFM da UVigo
Regulamento do TFM do título

• Anexo 1 – Modelo de solicitude de proposta do TFM
• Anexo 2 – Modelo de solicitude de presentación e avaliación do TFM
• Anexo 3 – Regras para a elaboración do TFM

• 2025/2026
• 2026/2027