O día 19 de xuño de 2025 tivo lugar no Salón de Graos da Facultade de Ciencias Xurídicas e do Traballo o acto académico de graduación da XVI promoción (curso 2024/2025) do Máster en Menores en situación de desprotección e conflito social da Universidade de Vigo.
A apertura do acto foi realizado pola vicedecana do Grao en Dereito, Prof.ª Dra. María Antonia Arias Martínez. A continuación, tivo lugar a intervención da coordinadora do mestrado, a Prof.ª Dra. Teresa Estévez Abeleira, e da secretaria académica do título, a Prof.ª Dra. Marta García Mosquera, seguida do discurso de D. Carlos Fernández Pedrós, titulado do mestrado.
Interveu a continuación a Prof.ª Dra. Blanca Otero Otero, madriña da promoción, así como as representantes do alumnado que se graduaba, Dna. Antía Juiz Rodríguez e Dna. Andrea Moreno Rodríguez. Seguidamente entregaronse as distincións académicas ao alumnado e clausurouse o acto pola vicedecana do Grao en Dereito, a Prof.ª Dra. María Antonia Arias Martínez.
O día 14 de setembro de 2023 tivo lugar, ás 17:00 horas, no Salón de Graos da Facultade de Ciencias Xurídicas e do Traballo, o acto de Gradación da XIV Promoción 2022/2023 do Máster en Menores en situación de desprotección e conflito social, que foi presidido pola Secretaria Xeral da Universidade de Vigo, a Prof. Dra. María José Bravo Bosch.
Contou coa intervención da Valedora do Pobo de Galicia, Dna. María Dolores Fernández Galiño, que pronunciou a conferencia titulada “O interese superior do menor”, que pode consultarse nesta ligazón. Así mesmo, interveu o Decano da Facultade, o Prof. Dr. Francisco Torres Pérez, así como a coordinadora e secretaria académica do título, as Prof.ª Dras. Teresa Estévez Abeleira e Marta García Mosquera respectivamente, e a alumna Dna. Sofía Belén Durán González, en representación do alumnado.
No mesmo acto celebrouse a Inauguración do curso académico 2023/2024 no Máster en Menores en situación de desprotección e conflito social.
